അമ്മയില് നിന്നുമടര്ന്നീ ഭൂമിയില്
ആഗതരാം നവ പൈതങ്ങളെ,
ഇക്കാണുമത്ര പ്രപഞ്ചവും ഞങ്ങളും
ഈശ്വരനോടുള്ള നന്ദിചൊല്വൂ.
ഉയിര് നേടി വന്നവര് നിങ്ങള്ക്ക് നേരുന്നു,
ഊഷ്മളമായുള്ള സ്വാഗതങ്ങള്.
ഋഷിവര്യ ചരിതമുറങ്ങുമീയൂഴിയില്,
എത്രയുമുന്നതിയാര്ന്നു മേവാന്,
ഏവര്ക്കുമൊപ്പം ചരിക്കുവാന്,നിങ്ങള്ക്കായ്
ഐക്യത്തോടോതുന്നു സ്വാഗതങ്ങള്.
ഒന്നായാല് നന്നായി എന്നുള്ള വാക്കുകള്
ഓതിയ കുഞ്ഞുണ്ണി വാക്കോര്ത്തിടാo
ഔന്നത്യമെത്തുവാന് ദൈവം തുണക്കട്ടെ,
അംബരസീമകള് വെന്നിടട്ടെ.
No comments:
Post a Comment